Sa darating na August 14, 2016 ay gaganapin ng Couples for Christ Global Mission Foundation Inc. ang ANCOP (Answering the Cry of the Poor) Global Walk na sisimulan sa Odiongan Town Plaza sa ganap na ika-5 ng umaga. Ito ay isang “Walk for a Cause” na naglalayong makalikom ng pondo para makatulong sa mga napiling 2,000 ANCOP Scholars na makapagtapos ng pag-aaral.
“BEYOND YOUR WALK, THEIR DREAMS” ang tema ng ANCOP Global Walk sa taong ito. Hindi lang sa probinsiya ng Romblon gaganapin ang pagtitipong ito kundi sa 12 Metro Manila Sectors, 61 na mga probinsiya ng Pilipinas at sa 20 na iba pang mga bansa. Dadalo sa ANCOP Global Walk sa SM Mall of Asia Arena Grounds si VP Leni Robredo na isa ring miyembro ng Couples for Christ.
Ito ay may kaukulang sponsorship fee na P300.00 sa bawat dadalo at mayroong package na pwede paghatian upang mabuo ang sponsorship fee:
A. Relationship Goals – P150.00 (Pair)
B. Bestfriends forever – P100.00 (Trio)
C. FUNstastic4 – P75.00 (Group of 4)
D. Barkada – P50.00 (Group of 6)
E. Squad Goals – P30.00 (Group of 10)
Magtitipon ang lahat ng dadalo sa Odiongan Town Plaza at magsisimula ito sa ganap na ika-5 ng umaga. Magsisimula ang registration sa ganap na ika-4 na umaga.
