Tulak umano ng shabu sa Batangas, sumuko sa kapulisan sa Sibale

by Paul Jaysent Fos, Romblon News | Sunday, 10 July 2016

Kusang sumuko sa mga tauhan ng Concepcion Municipal Police Station sa Sibale Island, Romblon ang isa sa mga nagtutulak umano ng shabu sa Batangas.

Ang 40 years old na triycle driver ay residente ng Concepcion ngunit nanirahan sa isang siyudad sa Batangas City.

Ayon sa sumukong personalidad, sumuko siya matapos na mabalitaan na namatay na sa Batangas ang ilang nakasama niya sa pagtutulak ng shabu sa lugar.

Bumalik umano siya ng Concepcion upang magbagong buhay.

Ang nasabing pagsuko nito ay bahagi ng mas pinaigting na kampanya ng kapulisan kontra sa iligal na droga.

Nanumpa naman ito sa harap ni Mayor. Medrito Fabreag na hindi na siya babalik sa nasabing iligal na trabaho.