by Paul Jaysent Fos, Romblon News | Saturday, 02 July 2016
Matapos na maglingkod bilang spokeperson ng Philippine National Police sa panahon ni dating Pangulong Aquino, nilagay ngayon ni PNP Chief Ronald Dela Rosa bilang Acting Regional Director ng Police Regional Office 4B (MIMAROPA) si Chief Supt. Wilben M. Mayor.
Si Chief Supt. Mayor ay tubong San Agustin, Tablas Island, Romblon, isang abogado at miyembro ng Philippine Military Academy (PMA) Class 1985.
Bago nag-assume si Mayor bilang tagapagsalita, nagsilbi itong deputy chief of staff sa Manila Police District.
Naging police provincial director din ito sa Benguet at chief of police ng Valenzuela.
Pinalitan ni PCSupt. Mayor si Chief Supt. Ramon C. Apolinario na inilipat bilang Officer-in-Charge ng Chief for Directorial Staff ng PNP.
Ang nasabing balasahan ay bahagi ng pagsisimula ng pamumuno ni Ronald Dela Rosa bilang bagong PNP Chief.