Nadakip sa pinagsamang pwersa ng Anti-Transnational Crime Unit at Detection and Special Operations Unit ng Criminal Investigation and Detection Group kasama ang mga operatiba ng San Fernando Municipal Police Station ang magpinsan na suspek sa pangagahasa sa isa pa nilang pinsan noong nakaraang taon sa San Fernando, Romblon.
Kinilala ang mga suspek na si David Magallon, at Bobby Magallon.
Sa report ng 24 Oras sa GMA 7 nitong Miyerkules, nahuli umano si David sa burol ng kanyang asawa sa Tala, Caloocan at si Bobby Magallon naman ay nadakip sa pinagtatrabahuang hardware sa Manila City.
Ayon sa CIDG, matagal na umanong pinaghahanap ang mga suspek sa Romblon kaya naisama sila most wanted person sa bayan.
Paliwanag naman ng isa sa mga suspek, hindi umano sila ang may gawa ng krimen kundi ang pinsan nilang si Ivan John Pineda.
Si Pineda ang suspek na nagholdap ng isang bus noong October 2015 sa Manila gamit ang ballpen.
Nahaharap ang mga suspek sa paglabag sa Republic Act 8353.
