by Paul Jaysent Fos, Romblon News | Tuesday, 08 March 2016
Umabot sa tatlong kaso ng rape ang naisampa ng mga tauhan ng Alcantara Municipal Police Station nito lamang January at February ng 2016.
Ayon kay Police Senior Inspector Sandy Falcutila, hepe ng Alcantara MPS, dahil umano yan sa mas pina-igting na kampanya ng kanilang estasyon sa mga bario-bario na magsumbong sa awtoridad kung minamaltrato sila.
Matatandaang nitong January ay naibalita ng pahayagang ito ang kaso ng isang lalake na minolestiya ang sariling anak sa unang araw ng 2016.
Dagdag pa ng Alcantara MPS, marami na umanong kaso ng rape sa nasabing bayan ngunit hindi ito naisusumbong sa awtoridad dahil natatakot ang mga biktima.
Sa tala ng kapulisan sa Alcantara, pawang mga menor-de-edad ang tatlong kababaihang menolistya nitong January-February 2016, isa sa suspek ay sarili pang Lolo ng isang biktima.
Isa sa mga nasangkot na suspek ay nakakulong na sa Odiongan District Jail sa bayan ng Odiongan habang ang dalawa ay pinaghahanap parin sa hiwalay na kaso.
Nakilala itong sina Bonifacio Largueza Muaje, 70 taong gulang, at residente ng Barangay Camili at si Django Rabino residente ng Barangay Madalag.
