by Jackey Tapao, Romblon News | Monday, 14 March 2016
Pansamantalang makikituloy muna sa kapit-bahay ang pamilya ni Genalyn Galigao, 33 years old, matapos na masunog ang bahagi ng kanilang bahay sa Sitio Banturan, Barangay Cabolutan, San Agustin, Romblon kaninang umaga.
Ayon sa nakuhang blotter report ng Romblon News Network sa San Agustin Municipal Police Station, may mga bata umanong naglalaro ng ‘luto-lutuan' sa tabi ng bahay ni Galigao at nagpaapoy umano sial ng tambak ng nipa.
At dahil light material lang ang bahay ni Galigao, nadamay ito nang lumakas ang apoy sa sinindihang tambak ng nipa ng mga bata.
Agad naman umanong naapula ang apoy sa tulong ng mga kapit-bahay ng ni Galigao.
Iniimbestigahan na ngayon ng BFP-San Agustin kung magkano ang total damage ng sunog.
Ang nasabing sunog ay kauna-unahang natala ng BFP-San Agustin sa lugar ngayong Fire Prevention Month.
