Muling bibigyan ng ‘Gawad Ulat Award for Online News Category’ ang Romblon News Network sa ikalawang pagkakataon ng Department of Social Welfare and Development – MIMAROPA (Mindoro, Marinduque, Romblon, Palawan).
Ayon sa DSWD-MIMAROPA, ito ay dahil sa walang sawang pagsuporta sa mga programa ng departamento at pagbibigay ng tamang impormasyon sa mga readers.
Ito ay tatangapin ni Romblon News Correspondent Jerry Jay Fornal, ngayong araw, February 19, sa gaganaping 65 years anniversary ng tanggapan sa Richville Hotel sa Mandaluyong City na may temang ‘Mga Kwentong Tagumpay Tungo sa Masaganang Pagbabago’.
Ayon naman kay Romblon News Network Founding Editor, Paul Jaysent Fos, malaking karangalan para Network na kilalanin.
“Kahit papaano may produkto rin ang aming pagpapagod sa paghahanap ng balita para sa probinsya at para sa rehiyon,” pahayag ni Fos.
“Maraming Salamat sa DSWD MIMAROPA. Asahan niyo po na patuloy naming sisikaping mabigyan ang aming mga readers ng iba’t ibang balita na makukuhaan niyo ng impormasyon at kaalaman,” dagdag ni Fos.
