Naaresto ng mga tauhan ng Romblon Provincial Mobile Force Company at Magdiwang Municipal Police Station ang lalaking naaktuhan nilang nagsasagawa ng iligal na pagmimina sa bundok na bahagi ng Barangay Dulangan, Magdiwang, Romblon nitong hapon ng Biyernes.
Ayon sa pulisya, nagsasagawa sila ng patrolling sa lugar ng mapansin ng anim na lalaking tila iligal na nagmimina sa Magdiwang.
Dito nila naaktuhan ang anim katao na naghuhukay sa isang butas ngunit agad tumakas ang mga suspek habang papalit ang mga kapulisan. Tanging si Casiano Rodaje, 47, nalang ang naiwan at nahulik ng mga kapulisan.
Nakuha nila sa lugar ang isang bull mill, 12HP diesel engine, 5 piraso ng bull mill sharft, 1 generator, at iang sako ng pinaghihinalaang isang mineral ore na nagkakahalaga ng halos P45,000.
Dinala na ang suspek sa Magdiwang Municipal Police Station para ikulong habang inihahanda ang kaukulang kaso laban sa kanya.
Patuloy naman ang imbestigasyon ng pulisya para sa pagkakakilanlan ng limang kasama ni Rodaje.
