Arestado ng pinagsamang pwersa ng Romblon Peovincial Public Safety Company, Oriental Mindoro Public Saftey Company, Romblon Intelligence Branch, Looc Municipal police Station, Alcantara Municipal Police Station, at Romblon Highway Patrol Group ang isang lalaking wanted sa probinsya ng Oriental Mindoro.
Kinilala ng Pulisya ang suspek na si Orlino Evangelio, residente ng Brgy. Tuguis, Looc, Romblon, 51 anyos.
Si Evangelio ay wanted sa kasong rape in relation sa RA 7610 sa Regional Trial Court Branch 41 sa Pinamalayan, Oriental Mindoro.
Isinagawa ang operasyon kahapon pasado alas-4 ng hapon, matapos ang halos ilang linggong pang monitor ng grupo sa galaw ng suspek na si Evangelio. Ang operasyon ay ginawa sa bisa ng warrant of arrest na inilabas noong August 2016.
Hindi naman itinanggi ni Evangelio ang kaso sa Oriental Mindoro.
Nakakulong na ang suspek sa Looc Municipal Police Station at nakatakdang ibyahe pabalik sa Pinamalayan sa araw ng Lunes.
