Suportado ng Altai Philippines Mining Corporation (APMC) ang isinagawang site inspection at community consultation na pinangunahan ng Department of Environment and Natural Resources (DENR) kaugnay ng mga aktibidad ng kumpanya sa Sibuyan Island, Romblon.
Pinangunahan ni DENR Assistant Secretary Atty. Norlito Eneran ang site visitation at inspection, kasama ang mga kinatawan ng iba't ibang tanggapan ng DENR at attached agencies.
Tinalakay sa aktibidad ang geology ng Sibuyan Island, ang Mineral Production Sharing Agreement (MPSA) ng APMC at kasalukuyang status ng exploration activities ng kumpanya.
Dinaluhan din ang community consultation ng mga residente mula sa host communities ng Taclobo at España, kasama ang mga lokal na opisyal, community leaders at kinatawan ng mga ahensya ng pamahalaan.
Sa isang pahayag, sinabi ni APMC Community Relations Manager Jim Orpilla na naging pagkakataon ang aktibidad upang direktang mapag-usapan ng pamahalaan, komunidad at kumpanya ang technical at factual aspects na may kaugnayan sa MPSA.
“We appreciate the opportunity provided by the DENR to have the site inspection and community consultation take place in an open and constructive manner. These activities allowed government representatives and community members to directly discuss the technical and factual aspects surrounding the MPSA, while also giving us the opportunity to listen to the concerns and perspectives of our host communities,” ayon kay Orpilla.
Sa consultation, naglahad ang mga technical office ng DENR ng impormasyon tungkol sa geological characteristics ng Sibuyan Island at sinabi na ang MPSA ng APMC ay nasa labas ng Mt. Guiting-Guiting Natural Park.
Inilahad din ng DENR ang opisyal na timeline ng mahahalagang pangyayari kaugnay ng MPSA, kabilang ang approval nito noong December 23, 2009 at ang pag-alis sa Cease-and-Desist Order laban sa kumpanya noong September 9, 2021.
Samantala, ibinahagi rin ng APMC ang kasalukuyang management direction nito na nakatuon sa pagpapalakas ng operational systems, regulatory compliance, environmental stewardship at stakeholder engagement.
“Our new management team is focused on building on what has been established and continuously improving how we operate and engage with our stakeholders. We are taking a progressive approach, strengthening our systems, completing the necessary requirements, and making sure that we move forward in a responsible and transparent manner,” dagdag ni Orpilla.
Ayon kay Orpilla, kasalukuyang inaasikaso ng kumpanya ang mga kinakailangang environmental, social at regulatory requirements para sa proposed future mining activities, kabilang ang Environmental Compliance Certificate (ECC) at Social Development and Management Program (SDMP), alinsunod sa applicable requirements.
Inihayag din ng kumpanya ang mga planong environmental at conservation initiatives, kabilang ang pagtatatag ng Biodiversity Corridor at Monitoring Station.
Ayon sa APMC, mahigit ₱20 milyon na ang inilaan nito mula 2023 para sa Community Development Programs sa mga host community.
Sinabi ni Orpilla na nais ng bagong management team ng kumpanya na palakasin ang communication, transparency at accountability sa pakikipag-ugnayan sa pamahalaan at mga komunidad.
Discussion about this post