Aminado si DPWH MIMAROPA Regional Director Engr. Gerald Pacanan na may pananagutan ang ilang contractor sa pagkasira ng mga flood control projects sa Mindoro matapos ang malalakas na ulan dulot ng habagat.
Sa panayam sa DZMM, sinabi ni Pacanan na may tinatawag na liability period kahit tapos na ang proyekto, kaya’t mananagot ang contractor kung masisira ito.
May P37 bilyong pondo ang DPWH para sa 38 kilometrong flood control projects sa rehiyon mula 2023 hanggang 2025, o halos P1 bilyon kada kilometro.
Ipinaliwanag ni Pacanan na hindi agad natatapos ang buong 205 km na flood control system, kaya’t may mga bahagi pa ring hindi konektado, dahilan kung bakit mas madaling masira kapag tinamaan ng tubig, debris, o bato.
Nauna nang sinabi ni Oriental Mindoro Governor Bonz Dolor na nasayang umano ang ilang flood control projects sa kanilang probinsya matapos masira ang ilang proyekto noong July matapos dumaan ang isang malakas na ulan dala ng habagat.
