Nagkaroon ng pagpupugay sa mga senior citizen ng Barangay San Vicente sa bayan ng Corcuera sa Simara Island, Romblon bilang pakikiisa nila sa Elderly Week Celebration 2020.
Ayon kay SK Federation president Alden Dy Fajilan, Oktubre pa sana ang nasabing aktibidad ngunit naurong ng naurong dahil sa banta ng Covid-19 lalo pa at mga senior citizen ang mga dadalo.
Sa nasabing programa, binigyan saludo at pasasalamat ng lokal na pamahalaan ng Corcuera at ng Barangay San Vicente ang mga nasabing senior citizens dahil sa hindi matatawarang ambag nila sa lipunan.
Maliban sa pagsaludong natanggap ng mga matatanda, nakatanggap rin sila ng food packs na magagamit nila sa ilang araw.
