Senior Citizen sa Odiongan, nasawi matapos makuryente sa palayan

Nasawi ang isang senior citizen sa bayan ng Odiongan matapos itong makuryente habang nasa palayan nitong hapon ng Biyernes, October 22.

Kinilala ng Odiongan Municipal Police Station ang biktima na si Edwin Fabro, 67 taong gulang, residente ng Barangay Tulay.

Batay sa ulat ng pulisya, nakatanggap sila ng tawag mula sa anak ng biktima at isinumbong ang nangyari.

Natagpuan umano nila ang katawan ng biktimang nakahandusay sa palayan at may sunog sa may bandang ulo dahil sa pagkakakuryente nito.

Posibleng nakuryente ito ng mga electric wires na dumaan sa palayan, halos 20 metro ang layo sa kanilang bahay.

Dinala na ang katawan ng biktima sa punerarya.

Tumanggi na rin ang pamilya ng biktima na ipa-autopsy pa ang mga labi nito.