Umakyat na sa 48 ang nasasawi sa bayan ng Romblon dahil sa coronavirus disease 2019 (Covid-19) base sa inilabas na ulat ng Rural Health Unit ng bayan nitong Sabado, October 2.
Sa kanilang ulat, 6 ang nadagdag sa bilang ng mga nasawi nitong Sabado kung saan sila lahat ay nagpositibo gamit ang rapid antigen test.
Kung titingnan ang bilang noong nakaraang linggo, nadagdagan ito ng 14 na nasawi mula September 26 hanggang October 2.
Inuulat rin ng RHU Romblon na 39 sa mga nasawi ay hindi pa nakakatanggap ng bakuna laban sa virus at 4 naman sa mga nasawi ay fully vaccinated na. Ang natitirang bilang ay hindi identified kung nabakunahan ba o hindi.
Sa pinakahuling taya, ang bayan ng Romblon ay may kabuoang 210 na aktibong kaso ng Covid-19 kung saan 129 rito ay positibo sa RT PCR habang 81 naman ang positibo sa antigen testing.
Maalalang dahil sa tumataas na kaso ay nagpatupad na ang lokal na pamahaalan ng paghihigpit sa galaw ng tao sa bayan mula October 1 hanggang 10.
