Mahigit 14,000 na doses ng Moderna COVID-19 Vaccine ang dumating ngayong Martes, October 19, sa probinsya ng Romblon mula sa Department of Health.
Sakay ng isang 10-wheeler truck, binaba ito sa Romblon Provincial Hospital kung saan naroroon ang cold-chain facility ng lalawigan.
Ayon kay Ralph Falculan, Development Officer ng DOH-Mimaropa, na lahat ng probinsya sa Mimaropa (Mindoro, Marinduque, Romblon at Palawan), ang mga bakunang ito ay para sa first dose ng lahat ng hindi pa nababakunahang Romblomanon.
Dagdag pa nito, wala na rin umanong dahilan upang hindi magpabakuna dahil sa sapat umano ang vaccines na meron ang lalawigan ngayon.
Inaasahang sisimulan na itong ipamahagi sa susunod na mga araw sa mga munisipyo.
