Wanted sa kasong Rape sa Romblon, arestado sa Quezon

Naaresto na matapos ang mahigit limang taon ang lalaking pinaghahanap ng batas dahil sa kanyang kasong kinakaharap sa probinsya ng Romblon.

Kinilala ang suspek na si Maxwell Guyo Gallos o mas kilalang si Nano, 33 taong gulang, residente ng Barangay Limon Sur, Looc, Romblon.

Ayon kay Supt. Gemie Mallen, Spokeperson ng Romblon Police Provincial Office, ang suspek ay naaresto ng pulisya nitong umaga ng Miyerkules sa Barangay Gibanga, Sariaya Quezon.

Si Gallos ay nahaharap sa kasong Rape in relation sa Republic Act 7610 at may warrant of arrest na nilabas noong February 2015 ng Regional Trial Court Branch 82.

Nakakulong na ngayon ang suspek sa Quezon at inaasahang itatawid ng dagat pabalik ng Romblon kung saan siya ihaharap sa korte.