Sugatan ang isang barangay Tanod ng Barangay Cabolutan matapos itong mahagip ng isang motorsiklo kahapon ng umaga.
Kinilala ang tanod na si Bernie Fruelda, 60-anyos, habang ang rider naman ay kinilalang si Christopher Gaan, 24 anyos.
Ayon sa ulat ng pulisya, bandang 10:45 ng umaga, habang umaalalay sa trapiko ang biktima napansin niyang matulin ang patakbo ng suspek kaya niya ito pinatatabi.
Ngunit sa halip na tumabi, mas tumilin ang patakbo ng rider at hinagip ang nagpapatupad lamang ng batas na si Fruelda.
Dahil sa aksidente, nagtamo ng sugat sa iba’t ibang sugat ng katawan ang barangay tanod habang ang rider, inaresto ng Barangay Civil Security Force kasama ang motorsiklong sangkot.
Nakakulong na ngayon ang rider sa San Agustin Municipal Police Station at mahaharap sa kasong reckless imprudence resulting to physical injury at direct assault.
