Bago nagtapos ang 2021 ay dalawang Romblomanon ang nag bigay ng dangal muli sa lalawigan matapos silay makapagtapos bilang mga bagong 2nd Lieutenants ng Philippine Army.
December 22 nang magtapos sina 2Lt Noemi M. Mendez at 2Lt Karl C Montesa sa PA Officer Candidate School sa Camp O'Donnell, Tradoc, Philippine Army, Capas, Tarlac.
Si Mendez ay tubong Agtongo, Romblon, Romblon habang si Montesa naman ay laking San Andres, Romblon.
Ang dalawa ay pawang degree holder bago pumasok ng military school sa Camp O'Donnell kung saan dumaan sila ng taong pagsasanay.
“As Romblomanons, we take pride and honor to share with the rest of the Kababayan as it may also serve an inspiration and fuel others' desire to also be part of the organization,” sinabi ng dalawa sa pinadala nilang pahayag sa Romblon News Network.
Sa isang pahayag sinabi ni Defense Secretary Delfin Lorenzana na sila ‘bilang mga bagong Tinyente ng ating Hukbong Katihan, nakasalalay sa inyong mga balikat ang kapakanan ng inyong mga kawal, ang kinabukasan ng ating sandatahang lakas at ang kapayapaan ng buong sambayanan'.
