Wagi kontra kay incumbent Mayor Fernald Rovillos ang nakaupo ngayong Vice Mayor ng bayan ng San Andres na si Arsenio ‘Lolong' Gadon sa katatapos lang na eleksyon.
Batay sa datus ng Parish Pastoral Council for Responsible Voting (PPCRV), umabot sa 191 ang nakuhang lamang ni Gadon kontra kay Rovillos na nakakuha ng 4163 votes.
Si Joel Ibañez ng Nacionalista Party naman ang nanalo sa pagka-bise alkalde ng bayan na kontra kina Romeo Fabella ng Lakas-CMD at Aguedo Mortel ng PDP-Laban.
Hindi pa nagbibigay ng pahayag ang Commission on Elections (Comelec) kung naiproklama na ang dalawang nanalo.
Matatandaang si Rovillos ay kakabalik lang bilang alkalde ng bayan noong mga nakaraang buwan matapos baliktarin ng korte ang desisyon ng Ombudsman noong 2017 na nagtatanggal sa pwesto kay Rovillos at sa lima nitong kasama dahil sa kasong Grave Misconduct.
Samantala, panalo naman na konsehal sina Erwin Tangonan, Lynn Fondevilla, Bodit Fronda, Jovito Guro, Totong Guro, Edrul Galus, Ruben Mingoa, at Johnny Galang.
