Matapos pumasok ang mga election returns mula sa iba't ibang bayan sa lalawigan ng Romblon, lumabas na nanguna si reelectionist Sen. Cynthia Villar sa mga tumatakbong Senador na pinaboran ng mga taga-Romblon ang kandidatura sa katatapos lang na election.
Sinundan si Villar nina reelectionist Sen. Grace Poe, Aktor na si Bong Revilla, Pia Cayetano, reelectionist Sen. Bam Aquino, aktor na si Lito Lapid, dating SAP Bong Go, reelectionist Sen. Sonny Angara, dating PNP Chief Bato Dela Rosa, reelectionist JV Ejercito, reelectionist Sen. Nancy Binay, at Jinggoy Estrada.
Nasa ika-13 pwesto naman si Gov. Imee Marcos, na sinundan ni dating Sen. Mar Roxas, at Francis Tolentino.
Samantala, nanguna sa lalawigan ng Romblon ang Ako-Bicol Partylist at sinusundunan naman ng APEC, Kalinga, Diwa, Patrol, Act-CIS, Manila Teacher's at Append.
Ang resulta ay base sa 99.68% election results na dumating sa transparency server ng Commission on Elections.
