Wala na umanong ilalagay ang coalition ng Liberal Party at Lakas–Christian Muslim Democrats (Lakas-CMD) na kapalit na kandidato para sa namatay nilang vice mayoral bet ng Santa Maria na si Joel Mariveles.
Sa pahayag ng kandidato nila sa Santa Maria sa pagka-alkalde na si Chelsin Ledesma-Persson, wala na umano silang ilalagay na kapalit na Mariveles at sila nalang umano kasama ang kanyang mga sangguniang bayan ang magpapatuloy ng kanilang laban.
“Hindi na po namin siya papalitan, wala po kasi siyang kamag-anak dito sa Santa Maria na pwede pumalit,” ayon kay Persson.
Si Mariveles ay namatay matapos atakehin sa puso nitong nakaraang Miyerkules, April 3, sa Barangay Concepcion Norte maapos ang tatlong araw na tuloy-tuloy na pangangampanya kasama ang kanyang grupo.
Naisugod pa sa ospital si Mariveles ngunit binawian rin ng buhay kinalaunan.
