Ipinagdiwang ng bayan ng Santa Fe ang ika-80 Founding Anniversary nito mula September 29 hanggang October 1, 2026, tampok ang iba’t ibang aktibidad na naglalayong ipakita ang kultura, pagkakaisa at diwa ng pakikipagkaibigan ng mga Santa Fehan.
Bilang bahagi ng selebrasyon, isinagawa noong September 29 ang Inter-Agency Bugsayan Tournament, na nilahukan ng iba’t ibang tanggapan at ahensya ng pamahalaan.
Ayon sa Municipal Government of Santa Fe, naging pagkakataon ang paligsahan upang mapalakas ang teamwork, camaraderie at sportsmanship sa pagitan ng mga kalahok mula sa iba’t ibang opisina at ahensya.
Tampok din sa pagdiriwang ang parada na nagbigay-kulay sa selebrasyon at nagtipon sa iba’t ibang sektor ng komunidad, gayundin ang mga cultural performance na nagpakita ng talento, pagkamalikhain at pagpapahalaga ng mga Santafehon sa kanilang kultura at tradisyon.
Sa loob ng walong dekada, patuloy na ginugunita ng Santa Fe ang kasaysayan ng pagkakatatag nito habang isinusulong ang pagkakaisa, paglilingkod at pag-unlad ng bayan.
Nagsilbi ring pagkakataon ang pagdiriwang upang muling bigyang-diin ang diwa ng pagkakaisa at sama-samang pagkilos ng mga mamamayan para sa patuloy na pag-unlad ng Santa Fe.
