Hindi lamang malinis kundi malamig at komportable rin ang isang pampublikong palikuran sa bayan ng Calatrava, Romblon, na napansin ni JM Victoria, provincial veterinarian ng Marinduque, nang ito ay magsagawa ng libreng kapon para sa mga aso at pusa sa bayan kamakailan.
Sa kaniyang social media post, pabirong ibinahagi ni Victoria ang kaniyang karanasan sa paggamit ng palikuran na may air conditioning at malinis na pasilidad.
“Yung nag-CR ka saglit… pero airconditioned at sobrang linis nung public CR. Nag-short time na muna ako,” biro ni Victoria sa kaniyang post.
Samantala, nauna nang binigyang-diin ni Calatrava Mayor Robert Fabella ang kahalagahan ng pagpapanatili ng kalinisan at kaginhawaan ng mga pampublikong palikuran sa bayan.
Ayon kay Fabella, ginagamit ang mga pasilidad na ito ng publiko, kabilang ang mga nagbabayad ng buwis, kaya mahalagang maayos at komportable ang mga ito para sa mga mamamayan.
