Nagpahayag sina Senator Joel Villanueva at Senator Jinggoy Estrada na handa silang pumirma ng waiver upang mabuksan ang kanilang mga bank account, bilang tugon sa mga alegasyong may kinalaman sila sa pondong inilaan para sa mga flood control projects.
Ayon kay Bruce Hernandez, dating Assistant Engineer ng Bulacan First District na nagsampa ng kaso, tumanggap umano ang dalawang senador ng 30 porsyentong kickbacks mula sa nasabing mga proyekto. Mariing itinanggi ni Estrada ang paratang at binansagan si Hernandez bilang “habitual liar.”
Iginiit din niyang wala siyang kinalaman sa anumang uri ng katiwalian.
Inihayag ni Hernandez na iniharap na niya ang alegasyon laban sa dalawang senador noong sila ay iniimbestigahan sa House of Representatives. Patuloy namang nananawagan ang iba’t ibang sektor para sa transparency at paglilinaw hinggil sa usapin.
