Inanunsyo ng Land Transportation Office (LTO) MIMAROPA ang pamamahagi ng mga plaka ng motorsiklo para sa mga rehistrasyon mula 2014 hanggang 2017 sa ilalim ng kampanyang “Sa Bagong Pilipinas, Lahat May Plaka Na.”
Libre ang pag-claim ng plaka, at hinihikayat ang mga may-ari ng motorsiklo na pumunta sa pinakamalapit na LTO District o Extension Office sa rehiyon.
Kailangan lamang magdala ng official receipt (OR), certificate of registration (CR), at valid ID ng rehistradong may-ari o Deed of Sale kung hindi nakapangalan sa kanila ang motorsiklo.
Ayon sa LTO, sakop din ng programa ang mga motorsiklong gumagamit pa ng lumang green plates o pansamantalang plaka upang mai-upgrade sa bagong standard design.
Ang pamamahagi ng plaka ay bahagi ng direktiba ni Pangulong Ferdinand Marcos Jr. na pabilisin ang pag-release ng mga plaka ng motorsiklo sa buong bansa.
