Dumating na sa bayan ng Cajidiocan, Romblon ang mga bagong all-terrain vehicle (ATV) na binili ng lokal na pamahalaan upang mapabilis at mapalakas ang kanilang emergency at disaster response efforts, lalo na sa mga lugar na mahirap marating ng karaniwang sasakyan.
Ang mga bagong ATV ay may kasamang radio communication system, megaphone, sirena, at emergency lights—mga kagamitang makatutulong sa mabilis na pagresponde sa anumang insidente.
Ayon kay Cajidiocan Mayor Marvin Greggy Ramos, pangunahing layunin ng pagbili ng mga ATV ay ang mabilis na pag-abot sa mga malalayong sitio at baryo sa panahon ng sakuna o iba pang emergency.
“Mas mabuti na may mga ganito tayong kagamitan para handa tayo sa ano man na sitwasyon,” pahayag ng alkalde sa isang panayam.
Dagdag pa ng alkalde, ang mga bagong ATV ay bahagi ng patuloy na hakbang ng lokal na pamahalaan upang palakasin ang kanilang disaster preparedness at masigurong walang barangay ang maiiwan sa oras ng pangangailangan
