Balik Romblon ang GMA Kapuso Foundation para mamahagi ng school supplies at vitamins sa mga kinder at grade 1 students mula sa mga munisipalidad ng Calatrava, Corcuera, San Agustin at San Andres Romblon.
Ayon sa DepEd Romblon, aabot sa 2,400 na school bags ang dumating sa probinsya para ipamahagi ng foundation.
Bahagi ito ng Unang Hakbang sa Kinabukasan program ng foundation.
Sa August 15, 2023 ay magsisimula ng ipamigay ang nasabing donasyon na pangungunahan ng distribisyon sa munisipalidad ng Calatrava na gaganapin sa Calatrava Elementary School at susundan ito ng distribisyon sa Corcuera, San Agustin at San Andres Romblon sa mga lugar na tinakda bilang distribution point.
Nagpasalamat ang DepEd Romblon sa GMA Kapuso Foundation sa isang pahayag sa kanilang FB Page.
