Aabot sa 25 miyembro ng Pandan Ati Farmers Fishermen Association ang nakibahagi sa inorganisa na skills training ng Department of Trade and Industry – Romblon sa pakikipagtulungan ng Department of Agrarian Reform – Romblon kamakailan sa Brgy. Pandan, Santa Fe, Romblon.
Ayon sa Tourism Office ng Santa Fe, ang limang araw na training na ito ay naglalayon na mas mapaangat ang kaalaman ng mga IPs sa kasanayan sa paggawa ng mga bamboo handicrafts na isa sa likas na yaman sa bayan.
Tutulong rin umano ito sa munisipyo para maabot ang kanilang inaaasam na Agri-tourism sa sa pamamagitan ng mga paggawa ng mga handicrafts.
Sa huli, nakagawa ng mga magagandang bayong at lagayang gawa sa kawayan ang mga dumalong IPs na kanilang maibebenta sa kanilang pamayanan.
