May maayos nang water supply system ang mga residente ng Sitio Guino, Barangay Mayha sa bayan ng Odiongan, Romblon matapos pasinayaan kahapon ang bagong water system sa lugar na ipinatayo ng lokal na pamahalaan.
Ang nasabing water system ay nagkakahalaga ng mahigit kalahating milyon at pinondohan gamit ang 20% development fund noong nakaraang taon.
Ayon sa lokal na pamahalaan, matagal ng hiling ito ng barangay Mayha sa LGU kaya agad nilang pinursige na mapondohan noong nagkaroon ng pondo noong nakaraang taon.
Maliban sa araw-araw na gamit sa bahay, malaking tulong rin ang bagong water system sa mga-taga Mayha na nais mag backyard gardening at mag-alaga ng hayop. (PJF)
