Proud na rumampa sa katatapos lang na Search for Miss Subaraw 2019 sa Puerto Princesa City, Palawan ang isang Romblomaon na tubong bayan ng San Fernando.
Si Zarene Mae Tansiongco ay isa sa 30 na kandidata na lumahok sa bagong national pageant na ginaganap sa siyudad ng Puerto Princesa.
Ayon kay Zarene, masaya na i-represent ang lalawigan ng Romblon sa mga ganitong patimpalak.
“It was a very great experience. Being a representative of our province in this prestigious national pageant Im more than lucky and happy to represent and promote the beautiful province of Romblon,” ayon kay Zarene.
Pinasalamatan niya rin si Governor Jose Riano dahil sa pagtulong sa kanya para makarating ng Palawan.
Ang pageant nag nagsimula noong nakaraang taon ay bahagi ng pagdiriwang ng Subaraw Festival nagsimula sa Puerto Princesa Subterranean River National Park o PPUR Day celebration.
“Nag-decide ang City Leadership na i-angat ang level ng celebration na ito dahil sa boung Pilipinas ito yung pinaka-pambihira na festival, dahil nakabase sa biodiversity, nakabase sa iba’t ibang buhay sa dagat at lupa, sa mga kababayan natin, kung mapagtulungan natin na magawa itong sikat, major national event eh hindi imposible na bandang huli gawin natin itong international event,” ayon kay Mayor Lucilo Bayron.
Sa huli, nasungkit ng 21 anyos na Youtuber na si Silvana Rauch mula sa Angeles City ang korona bilang Miss Subaraw Festival 2019.
