Binabahayan na umano ng mga kiti-kiti at lamok ang pathway na ito sa labas ng Municipal Hall ng Ferrol dahil sa tubig baha na ilang araw ng hindi naiaalis sa lugar.
Kinababahala ito ng mga residente na malapit sa lugar dahil pwede itong tirhan ng mga lamok na may dalang sakit na dengue at chikungunya na maaring kumitil sa buhay ng tatamaan ng virus.
Ayon sa kumuha ng litrato, hindi natatanggal ang tubig sa pathway simula pa nitong magsimula ang panahon ng tag-ulan.
Sinusubukang kunan ng pahayag ng Romblon News Network ang Local Government Unit ng Ferrol ngunit hindi pa sila nagbibigay ng pahayag.
