Isang barangay tanod ng Barangay Poblacion, Corcuera, Romblon ang nagsauli ng isang sling bag na kanyang napulot sa barangay na kanyang nasasakupan nitong Martes ng hapon.
Ayon sa Barangay Tanod na si Joseph Fetalvero, napulot niya ang sling bag na pagmamay-ari pala ng pulis ng Corcuera Municipal Police Station na si SPO1 Julius Falejo.
ADVERTISEMENT
Napag-alaman na may laman ang nasabing sling bag na P100,000 at mga personal na papeles ni SPO1 Falejo.
Laking pasasalamat naman ng pulis kay Barangay Tanod Joseph Fetalvero dahil malaki-laki umano ang nasabing pera kung sakaling iba ang nakapulot at hindi naisauli sakanya.
