Isange estudyante ang tinulungan ng Odiongan Municipal Police Station na makauwi at makita ang kanyang mga magulang matapos itong hindi makauwi ng isang araw.
Nakita ang nasabing grade 4 student ng Odiongan South Central Elementary School sa Barangay Dapawan, Odiongan, Romblon na nakaupo sa harap ng isang simbahan nitong gabi ng Biyernes.
Ayon sa pulisya, ang nasabing bata ay iniulat na nawawala matapos hindi umuwi sa kanyang bahay sa Barangay Pato-o galing eskwela.
Giniginaw, gutom, at tulala ang bata ng makita ng pulisya kaya dinala ito sa presinto at binigyan ng makakain at maiinum.
Agad na tinawagan ng pulisya ang mga magulang ng bata para ibalik ito sa kanilang bahay.
Laking pasalamat naman ng ina ng bata na natagpuan nila ang kanilang anak, aniya, pumunta umano ang bata sa bahay ng kanyang kaklase nitong tanghali ng Biyernes ngunit nakalimutan ang daan pabalik ng paaralan kaya naligaw ito.
