Panalo ang tambalan nina incumbent Mayor Trina Firmalo-Fabic at Diven Dimaala sa katatapos lang na halalan batay sa mga election returns mula sa iba't ibang barangay sa Odiongan.
Sa pinakahuling tala na nakuha ng Romblon News Network, nakakuha na ng botong 15,092 si Fabic sa pagka-Mayor, malayo sa 6,170 na nakuha ni incumbent board member Venizar Maravilla.
Nakakuha naman ng 13,786 si Dimaala sa pagka-bise alkalde, malayo sa 6,877 na boto na nakuha ng kalaban nitong si incumbent Vice Mayor Mark Anthony Reyes.
Samantala, nag-concede na si Vice Mayor Reyes sa eleksyon laban kay Dimaala.
Sa isang Facebook post, nagpasalamat si Reyes sa mga kababayan niya sa Odiongan at sinabing irespeto nalang ang mga nanalo.
“Let's respect the decision of the people. Mabuhay ang bayan ng Odiongan!” ayon kay Reyes.
Hindi pa opisyal na nadedeklara ng COMELEC ang mga nanalo dahil hindi pa nagsisimula ang opisyal na canvassing sa kanilang opisina.
