Malapit nang matapos ang proyekto para sa pagpapabuti ng potable water system sa Barangay Busay matapos magsagawa ng site inspection ang Local Government Unit (LGU) ng San Jose ngayong October 6.
Pinangunahan ni Municipal Mayor Ronnie D. Samson ang inspeksyon kasama ang mga department head na kabilang sa Inspectorate Team upang masubaybayan ang kasalukuyang kalagayan ng proyekto.
Ang Improvement of Potable Water System Level III ay nagkakahalaga ng ₱13,329,000 at pinondohan sa ilalim ng Local Government Support Fund–Support and Assistance Fund to Participatory Budgeting (LGSF-SAFPB) FY 2025.
Kasabay ng inspeksyon, sinuri ng LGU ang progreso ng proyekto at ang kalidad ng mga isinagawang trabaho bilang bahagi ng monitoring sa implementasyon nito.
Ang proyekto ay nakatuon sa pagpapabuti ng sistema ng potable water sa Barangay Busay.
Kasama rin sa site inspection ang Completion of Pinamihagan Stage sa Barangay Pinamihagan na nagkakahalaga ng ₱999,210.50 at pinondohan mula sa LGU 20% Development Fund.
