Mas inilalapit sa mga residente ng San Agustin at mga kalapit na bayan ang iba’t ibang serbisyong medikal at diagnostic sa pamamagitan ng San Agustin Medical and Diagnostic Center (SAMDC), isang DOH-accredited medical facility na matatagpuan sa Sitio Centro, Barangay Dubdubban.
Bukod sa mga laboratory at diagnostic services, mayroon ding mga medical consultant ang SAMDC para sa iba’t ibang pangangailangang pangkalusugan. Kabilang dito ang mga espesyalista sa Pediatrics, Internal Medicine, at OB-Gynecology, gayundin ang Radiologist.
Mayroon ding Cardiologist at Dermatologist na bahagi ng kanilang roster of specialists, bagama’t wala pa silang nakatakdang regular schedule sa kasalukuyan.
Kabilang sa mga serbisyong available sa SAMDC ang laboratory tests, ECG, 2D Echo at digital X-ray, na maaaring makatulong sa mga pasyenteng nangangailangan ng laboratory at diagnostic examinations bilang bahagi ng kanilang pagpapatingin at gamutan.
Malaking dagdag-serbisyo ito para sa mga residente ng San Agustin at mga karatig-lugar na hindi na kailangang bumiyahe pa sa mas malalayong lugar para lamang sa ilang uri ng medical at diagnostic procedures.
Para naman sa mga pasyenteng may sasakyan, mayroon ding libreng parking lot ang SAMDC na malapit lamang sa medical center, kaya mas maginhawa para sa mga pasyente at kanilang mga kasama ang pagpunta sa pasilidad.
Bukas ang SAMDC Lunes hanggang Sabado, mula 7:00 AM hanggang 4:00 PM, habang 7:00 AM hanggang 11:00 AM naman tuwing Linggo at holidays.
Para sa inquiries at appointment, maaaring makipag-ugnayan sa SAMDC sa 0915-876-5519 (Globe) o 0921-319-1672 (Smart).
Matatagpuan ang San Agustin Medical and Diagnostic Center sa Sitio Centro, Barangay Dubdubban, San Agustin, Romblon.
Sa pamamagitan ng mas malapit at mas maraming serbisyong medikal, layunin ng SAMDC na maging karagdagang katuwang ng mga pamilyang Romblomanon sa pangangalaga ng kanilang kalusugan.
