Magsasagawa ang Professional Regulation Commission (PRC) MIMAROPA ng Mobile Services sa Odiongan at San Agustin, Romblon upang mailapit sa mga residente ang ilang serbisyo para sa mga professional at licensure applicants.
Isasagawa ang PRC Mobile Services sa September 29, 2026 sa Philippine Science High School-MIMAROPA, Barangay Rizal, Odiongan.
Kabilang sa mga serbisyong maaaring asikasuhin ang application for licensure examination, initial registration ng mga successful examinees na nakadalo na sa kanilang oathtaking, renewal at duplicate ng Professional Identification Cards (PICs), at pagkuha ng certification of rating, passing at good standing.
Maaari rin umanong magpa-authenticate ng Rating, Passing, Professional Identification Card (PIC) at Certificate of Registration sa naturang mobile service.
Samantala, dadalhin din ng PRC ang kanilang Mobile Services sa Romblon Service Hub, na matatagpuan sa 2nd Floor ng Municipal Engineering Office, Poblacion, San Agustin, Romblon, sa September 30 at October 1, 2026.
Parehong serbisyo ang iaalok sa San Agustin, kabilang ang aplikasyon para sa licensure examination, initial registration ng mga successful examinees na nakadalo na sa oathtaking, renewal at duplicate ng PICs, certification ng rating, passing at good standing, at authentication ng mga dokumentong pang-professional.
Sa pamamagitan ng mobile services, mas mapapalapit sa mga professional at aplikante sa Romblon ang mga serbisyo ng PRC nang hindi na kinakailangang bumiyahe sa ibang lugar para sa mga transaksyong maaaring isagawa sa naturang schedule.
