Pormal nang pinasinayaan noong September 9 ang bagong one-room facility ng Guinhayaan Integrated School sa Barangay Guinhayaan, Looc, Romblon, na magsisilbing karagdagang silid-aralan para sa mga mag-aaral sa Grade 7.
Dumalo sa aktibidad si Looc Mayor Lissette Arboleda, kasama ang mga kinatawan ng lokal na pamahalaan, District School Superintendent Ace Rufon, mga opisyal ng Barangay Guinhayaan, mga guro at mga magulang.
Sa pahayag nito, sinabi ni Arboleda na sa susunod na taon ay itatayo ang karagdagang isang silid-aralan para sa nasabing paaralan.
Ayon sa Looc Public Information Office, ang bagong pasilidad ay bahagi ng pagsisikap na mapalawak ang access sa basic education sa mga komunidad ng Looc at mailapit ang serbisyo ng edukasyon sa mga mag-aaral.
Ang pasilidad ay magsisilbing karagdagang espasyo para sa pagkatuto at paghahanda ng mga mag-aaral tungo sa kanilang kinabukasan.
