Natapos na ng Lokal na Pamahalaan ng San Jose ang pamamahagi ng tig-25 kilong premium rice sa 4,019 na benepisyaryong pamilya sa ilalim ng Local Government Support Fund (LGSF) ng pambansang pamahalaan sa administrasyon ni Pangulong Ferdinand R. Marcos Jr.
Isinagawa ang pamamahagi sa loob ng tatlong araw at matagumpay na naihatid ang rice assistance sa lahat ng benepisyaryo sa limang barangay ng bayan.
Ang programa ay bahagi ng food assistance initiative ng pambansang pamahalaan na naglalayong makatulong sa mga pamilya sa gitna ng patuloy na pagtaas ng presyo ng mga pangunahing bilihin at mapalakas ang food security sa mga komunidad.
Ayon sa Lokal na Pamahalaan ng San Jose, matagumpay na naisagawa ang distribusyon sa tulong ng mga opisyal ng barangay at iba pang katuwang na ahensya upang matiyak na maayos at mabilis na naihatid ang ayuda sa mga benepisyaryo.
Discussion about this post