Nakiisa si Senador Christopher “Bong” Go sa Romblon Sangguniang Kabataan (SK) Congress na ginanap noong Hulyo 22 sa Golden Phoenix Hotel sa Pasay City, na dinaluhan ng humigit-kumulang 300 Sangguniang Kabataan officials mula sa lalawigan.
Nakatutok ang pagtitipon sa pagpapalakas ng kakayahan ng mga batang lider sa pamamagitan ng capacity-building, mentorship, at collaboration upang higit nilang mapaglingkuran ang kanilang mga komunidad.
Bilang Chairman ng Senate Committee on Youth, hinikayat ni Go ang mga SK officials na gamitin ang kanilang mga posisyon upang makinig sa hinaing ng kapwa kabataan, magpatupad ng mga programang may positibong epekto sa kanilang mga nasasakupan, at maging huwaran ng tapat at may malasakit na pamumuno.
Nagkaroon din ng pagkakataon ang senador na makausap ang ilang vice mayors, board members, at mga konsehal na dumalo sa programa at makipagpalitan ng pananaw hinggil sa pagpapaunlad ng mga programang para sa kabataan.
Binigyang-diin ni Go na mahalagang mabigyan ng sapat na suporta at pagkakataon ang mga kabataan upang maging epektibong katuwang sa pagpapaunlad ng kanilang mga komunidad.
Ayon sa senador, ang kabataan ay hindi lamang pag-asa ng bayan kundi mga lider na may kakayahang maghatid ng tunay na pagbabago sa kasalukuyan.
Discussion about this post