Mahigit 1,000 sako ng certified rice seeds ipinamahagi sa mga magsasaka sa Cajidiocan

Nagsagawa ang Municipal Agriculture Office ng Cajidiocan ng pamamahagi ng certified rice seeds para sa Wet Cropping Season 2026 sa Barangay Taguilos Covered Court.

Isinagawa ang aktibidad sa koordinasyon ng Philippine Rice Research Institute (PhilRice) at Department of Agriculture Region IV-B MIMAROPA sa ilalim ng pamumuno ni Regional Director Christopher Bañas.

Kabuuang 1,087 sako ng certified rice seeds ang ipinamahagi sa mga lokal na magsasaka bilang bahagi ng programa upang mapalakas ang produksyon ng palay, food security, at agricultural development sa bayan.

Ayon sa Cajidiocan Public Information Office, isinagawa ang aktibidad sa suporta ng pamahalaang bayan sa ilalim ni Cajidiocan Mayor, Atty. Marvin Ramos.