Arestado ang isang 32-anyos na lalaki na wanted sa kasong arson sa isinagawang joint operation ng San Agustin Municipal Police Station (MPS) at 2nd Platoon ng Provincial Mobile Force Company (PMFC) noong April 15.
Isinagawa ang operasyon bandang alas-5:00 ng hapon sa Barangay Poblacion, kung saan naaresto ang suspek na residente ng Barangay Doña Juana sa nasabing bayan.
Ang pagkakaaresto ay sa bisa ng warrant of arrest na inilabas ni Judge Donna Borda Pascual, Acting Presiding Judge ng Regional Trial Court Branch 81 sa Romblon, Romblon, kaugnay ng kasong arson na may piyansang ₱10,000.
Kasalukuyang nasa kustodiya ng San Agustin MPS ang suspek para sa kaukulang dokumentasyon at disposisyon.
Pinuri naman ni Romblon Provincial Director PCOL Rexton Sawi ang mga operatiba sa matagumpay na implementasyon ng warrant at binigyang-diin ang patuloy na kampanya laban sa kriminalidad.
Ayon kay PCOL Sawi, patuloy na paiigtingin ng kapulisan ang kanilang operasyon upang matunton ang mga wanted na indibidwal at mapanatili ang kaayusan at kapayapaan sa lalawigan ng Romblon.
