Maghahandog ng libreng sakay ang MIMAROPA Transport Cooperative ngayong Lunes para sa mga residente ng Odiongan at San Agustin.
Ayon sa kooperatiba, may tatlong biyahe na nakatakdang bumiyahe sa nasabing araw.
Ang Odiongan patungong San Agustin ay aalis ng alas-7:00 ng umaga gamit ang sasakyang may plate number VAB 6647. May biyahe rin mula San Agustin pabalik ng Odiongan sa parehong oras gamit ang plate number VAB 6645. May isa pang biyahe mula Odiongan patungong San Agustin na naka-iskedyul ng alas-11:00 ng umaga gamit ang plate number VAB 6646.
Paunawa ng kooperatiba, first come, first serve ang libreng sakay at 23 pasahero lamang ang maaaring maisakay sa bawat biyahe.
Inaanyayahan ang publiko na samantalahin ang libreng sakay at makiisa sa programang ito ng kooperatiba.
Discussion about this post