Mapapanood sa Berlin International Film Festival (Berlinale) ang pelikulang “Raging,” isang entry sa Cinemalaya 2025 na dinirek ni Ryan Machado, isang Romblomanon, at prinoduce ng Daluyong Studios.
Napili ang pelikula sa Panorama section ng Berlinale, na tampok ang mga pelikulang may matapang na pananaw at panlipunang tema.
Tampok sa “Raging” sina Elijah Canlas, Ron Angeles, at Reynald Raisel Santos, at tinatalakay nito ang sensitibong usapin ng pang-aabuso sa kalalakihan.
Ang Berlinale ay kabilang sa pinakamalalaking film festival sa mundo at gaganapin mula Pebrero 12 hanggang 22.
Kasama sa mga kakatawan sa pelikula sa Berlin sina direk Ryan at mga miyembro ng production team.
