Kabilang si Romblon Lone District Representative Eleandro Jesus “Budoy” Madrona sa mga mambabatas na binanggit ng mag-asawang kontraktor na sina Sarah at Curlee Discaya kaugnay sa umano’y malawakang korapsyon sa mga flood control projects ng Department of Public Works and Highways (DPWH).
Sa pagdinig ng Senate Blue Ribbon Committee nitong Lunes, Setyembre 8, isinawalat ng mag-asawa na paulit-ulit umanong ginagamit ang kanilang kompanya upang makakolekta ng tinatayang 10% hanggang 25% na “kickback” mula sa halaga ng proyekto kapalit ng hindi pagharang dito.
Pinangalanan ng mga Discaya ang ilang kongresista at opisyal ng pamahalaan na umano’y sangkot sa anomalya, kabilang na si Madrona. Ayon sa kanila, handa silang maging state witnesses upang patunayan ang kanilang mga alegasyon.
Ilan sa pa kanila ay sina:
Pasig Rep. Roman Romulo
QC Representatives: Arjo Atayde, Patrick Vargas, Reynante Arogancia, Marvin Rillo, at Marivic Co-Pillar
Marikina Rep. Marcy Teodoro
Bulacan Rep. Florida Robes
Aklan Rep. Teodorico Haresco
Occidental Mindoro Rep. Leody Tarriela
Caloocan Rep. Dean Asistio
Zamboanga Sibugay Rep. Antonieta Yudela
Partylist Reps. Jojo Ang (Uswag Ilonggo), Nikki Briones (AGAP), Bem Noel (An-Waray)
Terrence Calatrava, dating undersecretary ng Office of the Presidential Assistant for the Visayas (OPAV).
Patuloy namang inaasahan ang pagpapatuloy ng imbestigasyon ng Senado sa mga susunod na linggo upang alamin ang lawak ng sinasabing anomalya at kung sino ang dapat managot.
