Isang matandang lalaki mula sa Barangay Gutivan ang pinasok at binugbog ng hindi pa nakikilalang salarin sa loob ng kanyang bahay.
Ayon sa Cajidiocan Public Information Office, agad nakahingi ng saklolo ang biktima sa labas ng kanyang tahanan, dahilan upang mabilis na makaresponde ang mga pulis. Gayunpaman, hindi na nila naabutan ang suspek.
Hinala ng mga kapitbahay, posibleng pagnanakaw ang motibo ng krimen dahil mag-isa lamang ang matanda sa kanyang bahay. Patuloy ang isinasagawang imbestigasyon ng Cajidiocan Municipal Police Station upang matukoy ang nasa likod ng insidente.
Samantala, nag-alok si Cajidiocan Mayor Greggy Ramos ng ₱20,000 pabuya para sa sinumang makapagbibigay ng impormasyon na makakatulong sa pagkakakilanlan ng suspek.
Sa ngayon, nagpapagaling na ang biktima sa ospital at nasa ligtas nang kalagayan.
