Tatlo pang mining company ang nagtatangkang magmina sa isla ng Sibuyan, Romblon base sa ulat ng Bilyonaryo.
Ayon sa dokumentong nakuha ng Bilyonaryo, ang tatlong mining company ay nag-apply ng permit para maglabas ng metallic products mula sa isla na tinaguriang Galapagos of Asia.
Ang mga kompanyang umano ito ay ang Eramen Minerals, Fil-China Development Corp., and Graymont Philippines.
Sinabi ng Bilyonaryo na hindi pa aprubado ng Department of Environment and Natural Resources (DENR) ang kanilang mineral production sharing agreement (MPSA) at exploration permit.
Ang Eramen Minerals ay nag-apply para magmina ng nickel silicate at iba pang kasamang metal ore sa 2,500 hecatres na lupa sa San Fernando at Cajidiocan.
Ang Graymont Philippines naman ay nais magmina ng “nickel, iron, etcetera” minerals mula sa 1,400 hectares na lupa sa Magdiwang.
Ang Fil-China Dev’t Corp naman ay nais magmina ng feldspar sa 621 hectares na lupain sa San Fernando.
Maaalalang ang Altai Philippines Mining Corporation ay may exploration permit para sa pagmimina ng nickel ore sa isla ngunit sinuspendi ng DENR ang kanilang operasyon dahil sa nakitang ilang paglabag.
