Sugatan ang isang pedestrian matapos itong masalpok ng motorsiklo sa kahabaan ng National road sa Barangay Poblacion, San Andres, Romblon pasado alas dose ng umaga nitong Linggo.
Ayon sa mga saksi sa lugar, naglalakad si Kenan Gabayno, 28, nang bigla itong masalpok ng motorsiklo na minamaneho ng isang babae.
Tumilapon rin sa kalsada ang rider matapos ang aksidente.
Agad naman silang isinugod sa San Andres District Hospital para gamutin.
Iniimbestigahan na ng San Andres Municipal Police Station ang aksidente.
