Namahagi kamakailan ng mga fertilizer stubs ang Department of Agriculture sa aabot sa 217 na magsasaka sa bayan ng Looc, Romblon.
Ito ay ayuda sa kanila ng departamento dahil sa patuloy na pagtaas sa presyo ng pangunahang fertilizer na ginagamit nila sa pagsasaka.
Ayon sa lokal na pamahalaan ng Looc, ang mga magsasaka na ito ay kasama sa mga qualified beneficiaries ng High Yielding Technology Adaptation (HYTA) para ngayong dry season.
Pinangunahan ng Municipal Agriculture Office ang nasabing aktibidad katuwang ang mga empleyado ng Department of Agriculture.
