Nagtapos na ang may 110 kabataan na nagmula pa sa iba’t ibang probinsya ng Mimaropa sa Basic Citizen Military Training (BCMT) na ginanap sa bayan ng Odiongan sa Romblon.
Sinaksihan nina Romblon Governor Jose Riano ang pagtatapos ng mga kabataan na ginanap sa Odiongan National High School.
Ngayong nakapagtapos na sila, sila ay magiging miyembro na ng reservist na magiging katuwang ng pamahalaan sa pagsugpo sa insurgency sa rehiyon.
Ilan sa mga pinagdaanang pagsasanay ng mga kabataan na bahagi ng BCMT “Bagwis” Class 03-2021, ay ang basic soldiery, relief operation, at rescue operation.
Ang nabanggit na mga kabataan ay ang kauna-unahang grupo na nagsagawa ng ganitong pagsasanay sa lalawigan.
